East Bengal-in Hyderabad an ngam dawn em?

Zanin dar 7:30-ah Indian Super League khelh chhunzawm a ni dawn a, Hyderabad chuan East Bengal an mikhual dawn - tun hnaia team pahnih result thlirin inkhel en châkawm tia chhal ngam a ni.

Hyderabad hian match ruk zet a zawna an chak loh hnuah Kerala Blasters leh ATK Mohun Bagan an ngam lo a, mahse, Chennaiyin lakah 3-1 a hnehna changin an match hnuhnung berah an insiamṭha leh tawh.

Champion lai Hyderabad tan nomawi humhim turin zaninah chak a pawimawh a, mahse, East Bengal hi tun hnaiah an insiamṭha a, hmachhawn an châkawm lo.

Kolkata club hian 4-2 a Odisha an ngam loh hnuah Jamshedpur FC chu 3-1 in an hneh a, inrintawkna an neih phah sawt dawn - an match hmasa pangaa vawi khat chiah chak team hi an match hnuhnung pathumah vawi hnih an chak thei.

Stephen Constantine-a enkawl team-ah hian defender Jerry Lalrinzuala leh Lalchungnunga ten hmun pawimawh an chang phak.

Nizan Inkhel (Result kan hre hman lo)
ATK Mohun Bagan 7:30 PM Jamshedpur FC

Zanin Inkhel Tur
Hyderabad FC 7:30 PM East Bengal FC