Pan Pacific Open an ṭhulh

Japan rama hmeichhe tennis inelna ngaihhlut Pan Pacific Open 2020 chu neih theih a ni dawn lo, inelna buatsaihtu lam chuan Covid-19 vangin tournament an buatsaih theih loh tur thi an puang.

Pan Pacific Open buat-saihtute chuan thuchhuah siamin, "Tournament kan thlen theih nan theihtawpa hmalak a ni a, a hmuna entu awm lo pawhin neih theih hram kan tum. Mahse, khawvel dinhmun thlirin kuminah chuan neih theih a ni dawn lo," an ti.

Hmeichhe tennis thuneitu sang Women's Tennis Association chuan kumin chhung hian China-ah inelna a awm dawn lo tih an sawi chiang tawh bawk. China bikah hian hmeichhe tournament khelh tura ruahman pasarih an khel dawn lo tihna a ni.

WTA chairman Steve Simon chuan, "Season tawp lamah hian Asia khawmualpuiah inelna nuam leh hlimawm kan hmang ṭhin kha a ni a, kuminah erawh khatiang hun kha a awm thei dawn ta lo," tiin a sawi. China rama tourna-ment khelh loh tur hi - China Open, Wuhan Open, Jiangxi Open, Zhengzhou Open, WTA Finals, WTA Elite Trophy leh Guangzhou Open te an ni.