BC Roy Trophy National Junior SAI hnehtu Mizoram an tla

BC Roy Trophy National Junior Boys Football Championship-ah Mizoram chuan nimin khan 2-0 in SAI hneh mah se inkhel dangah Uttar Pradesh chuan 3-0 a Tamil Nadu an hneh avangin group stage aṭangin an tla.

Mizoram hian an match hmasa berah Uttar Pradesh hi 1-2 in an ngam lo a, match hnihnaah Tamil Nadu 8-1 in an sawp. Mahse, Mizoram hian an match hmasa bera UP an ngam loh avangin group stage aṭanga semifinal inpetkai turin SAI an hneh bakah hian Tamil Nadu-in Uttar Pradesh an draw emaw an hneh a ngai a, Mizoram beisei angin result a thleng ta lo a ni.

Inkhel Result
Mizoram 2 - 0 SAI
MIZ : H. Zawnhmingthanga 30'; Lalruatdika 41'