French League Cup Neymar hi innghahna tlak a ni - Tuchel

Paris Saint-Germain coach Thomas Tuchel chuan tun hnaiah Neymar dinhmun a ṭhat tawk thu a sawi a, a player pawimawh hi zanin dar 12:40-a Lyon nen French League Cup final an khelh tur atan innghahna tlak a nih thu a sawi.

PSG hian tun hnaiah Kylian Mbappe chu hliam vangin an chan a, zaninah a inlan thei dawn lo. Mbappe awm lo hi channa nasa tak a tling a, chutihrualin Neymar bakah Mauro Icardi an la neih bawk avangin chi ai lutuk tur chu an ni lo.

Neymar chungchang saiwin Tuchel chuan, "Hliam vangin enkawl a ngai fo a, inkharkhip kalpui a nih lai khan social media lamah beih a tawk bawk. Mahse player puitling tak a nih avangin heng a harsatna tawhte hi a inhnehtir lo a ni. "Inkhel tura Paris khawpuia a rawn thlen leh hnuah a hriselna a ṭhain a boruak a zangkhai hle. French Cup final-ah goal awmchhun a khung tawh a, tun ṭuma inkhel pawimawh kan hmachhawn turah pawh innghah ngamna a ni ang," a ti. Player manto ber hi champion pui tham a nihzia an hre chho zel dawn niin a lang.

PSG hian tun season-ah Ligue 1 leh French Cup an chawi tawh, zaninah League Cup final an khel dawn a, August thla hian Champions League quarterfinal-ah Atalanta an hmachhawn leh dawn bawk a ni. Nomawi pathum chawi thei dinhmunah an ding mek.