Real Madrid hmachhawn tur PSG

Champions League nomawi la hnem ber leh nomawi kawl mektu Real Madrid chuan last 16-ah Paris St-Germain an hmachhawn dawn.

Premier League champion Chelsea pawh La Liga season kal lai chak loh la nei lo Barcelona nen an intawng dawn bawk.

Nimin tlai khan last 16 khel tur draw hi neih a ni a, English club dang Manchester United-in Spanish club Sevilla an hmachhawn dawn a, Tottenham Hotspur leh Juventus-te chu European football-ah a vawi khat nan an inkhel dawn bawk.

Spurs hi group hmahruaitu an nih avangin seeded an ni a, an hnuaia awm Real Madrid chuan group danga hmahruaitu an hmachhawn a ngai. Zinedine Zidane-a naute tum tur PSG hi khawvel footballer manto ber Neymar awmna niin group stage bika goal khung hnem ber (25goals) an ni; Real thiampuipa Cristiano Ro­naldo-a'n match hmasa pa­rukah goal a khung kim vek thei a, an inhlau lo tawn ang.

Last 16 hi nakkum Feb­ruary 13 leh 14 hian first leg khelh tur a ni a, group hma­hruaitute ṭheuh hi seeded an nih avangin khualmualah an zin chhuak hmasa ang; March 13 leh 14 hian second leg khelh a ni thung dawn a ni.

Champions League Last 16 Fixtures
Juventus vs Tottenham Hotspur
Basel vs Manchester City
Porto vs Liverpool
Sevilla vs Manchester United
Real Madrid vs Paris St-Germain
Shakhtar Donetsk vs Roma
Chelsea vs Barcelona
Bayern Munich vs Besiktas