Chawnpui FC leh New Serchhip-in MPL an hnaih

MPL Qualifier khelh mekah Chawnpui FC leh New Serchhip FC chuan point li ve ve an hmu tawh. Anni pahnih hi naktuk hian an inkhel dawn a, a chak zawkin Mizoram Premier League 7 an khel thei dawn a, MPL an hnaih tawh hle.

Nimin lam thil thleng

MPL Qualifier chu nimin khan Rajiv Gandhi Stadium-ah khelh chhunzawm a ni a, Chawnpui FC leh Zo United FC 2-2 in an inhnehtawk. Aizawl DFA club pahnih inkhel result avang hian Chawnpui dinhmun hi a ṭha ta hle a ni.

Nimina inkhel dangah Ser­chhip club pahnih an insu a, si phur hmasa chungin New Serchhip FC-in MPL khelh beiseina chhi nung turin IOC Serchhip chu 3-1 in an hneh.

Team palite dinhmun

Chawnpui FC hian khelh khat­naah IOC Serchhip chu 3-2 in an hneh a, niminah Zo United an draw leh a, point li an hmu tawh.

New Serchhip-in Inrinnia Zo United chu 1-1 a an draw hnuah, nimina Serchhip derby-ah point thum an hmuh bawk avangin point li an nei tawh.

Zo United-in vawi hnih khel tawhin point hnih an hmu tawh a, IOC Serchhip-in point an la hmu ve lo thung.

Thil thleng theite

Naktuk hian New Serchhip leh Chawnpui an inkhel dawn. A chak zawk hian MPL7 an khel dawn.

Anni pahnih hi lo inhnehtawk ta se, point nga ve ve an hmu dawn tihna a ni. Zo United-in IOC Serchhip lo hneh ta se, point nga bawk an hmu ve ang.

Point nga hmu pathum zingah head to head a en theih dawn si lo a, goal dif­ference hmangin a sang ber zawn a ni dawn - Zo United pawhin beisei an la nei lian hle.

Hei mai hi a ni lo a, pahnihna hian MPL6-a pasarihna Chanmari West FC nen MPL Playoff an la khel leh dawn a, beisei tur a la awm zel.

Results & fixtures
December 9 @ RG Stadium
New Serchhip FC 1 - 1 Zo United
NSFC: Lalrintluanga 61'
ZUFC: F Lalnuntluanga 38'
Chawnpui FC 3 - 2 IOC, Serchhip
CPFC: Lalbiaknia 2', 52', H Malsawmtluanga 17'
IOC: Henry Lalhruaitluanga 60', 79'
December 11 @ RG Stadium
Zo United FC 2 - 2 Chawnpui FC
ZUFC: C Lalmalsawma 13', F Lalnuntluanga 79'
CPFC: Lalrinhlua 24', Zarzokima 90+3'
New Serchhip FC 3 - 1 IOC Serchhip
NSFC: C Lalnuntluanga 58', 90', Lalrintluanga 88'
IOC: Lalrohlua 8'
December 13 @ Lammual
10:00 AM New Serchhip FC vs Chawnpui FC
12:00 noon Zo United FC vs IOC, Serchhip
Club P W D L GF GA GD Pts
New Serchhip FC 2 1 1 0 4 2 2 4
Chawnpui FC 2 1 1 0 5 4 1 4
Zo United FC 2 0 2 0 3 3 0 2
IOC, Serchhip 2 0 0 2 3 6 -3 0