Vawiinah Division One Futsal inelna ṭan dawn

MFA buatsaih Division One Futsal Tournament chu vawiin dar 10:00 AM hian Mini Sports Complex, 1st MAP Campus, Armed Vengah khelh ṭan a ni dawn.

MFA hian Futsal League khel tur club 16 a nei tawh a, anni hian January-ah league hi an khel ṭan ang. A bak zawng hi Division One lamah awmin club 23 an ni.

Division One inelnaah hian champion-in Rs 10,000 dawngin pahnihnain Rs 5,000 an dawng ang a, semi finalist chinin Rs 2,000 ve ve an dawng ang.

Team tinte hi khelh hma minute 45-a khelmuala kima match commissioner hnena in report tur a ni a, inkhel ṭan hma minute nga awm thlenga inkhel thei khawp an la inlan loh chuan walk over tur an ni ang.

Vawiina inkhel turte
10:00 AM Ramhlun South FC Vs Bawngkawn FC
11:00 AM IDBI, Tuikual Vs Paul FC
12:00 Noon Vengthar Utd, Kawnpui Vs Laipui FC Junior
1:00 PM Maubawk FC Vs Benedict Memorial FC
2:00 PM Adonias FC Vs Young Gunner FC
3:00 PM Otei FS Vs Cici Store FC