MTA leh Dalmia thawk dun

Mizoram Tennis Association leh Dalmia Cement (Bharat) chu Mizoten tennis-a hma an sawn theih nan an thawk ho a, cement company hian Inrinni khan naupang coaching pekna atana hman turin Rs 40,000 chu MTA president Chalrosanga hnenah an hlan.

Naupang tennis zirna atana din MTA Tennis Foundation chu October 14, 2017 aṭangin an ṭan a, he program hnuaiah hian naupang category pahnih - kum 12 hnuai leh kum 12-15 inkarah te tennis coaching pek an ni a, February 15, 2018 thleng kal pui tura ruahmanna siam a ni.