Zverev a inkhel ve leh thei ta

Hliam vanga thla ruk chhung a inkhelh theih loh hnuah Alexander Zverev chuan tennis a khel thei ve leh ta. German tlangval hi June thla khan Rafael Nadal nen French Open semifinal an khelh laiin a kerek a hliam a ni.

Olympic champion Zverev hian hliam vangin Court Philippe Chatrier chu wheelchair hmangin a chhuahsan a nih kha, a hnu lamah a la inkhel thei leh miah lo, tunah erawh a hliam hi a dam fel tawh - season thar atan a inpeih hman dawn.

Saudi Arabia rama khelh Diruyah Tennis Cup-ah Zverev hian a match hmasa zawkah Dominic Thiem a hneh a, a match hnihnaah erawh Russian tlangval Daniil Medvedev chu 6-4, 6-0 in a hneh lo thung a ni.

A hliam vang khan Wimbledon leh US Open a khel thei lo a, a tira a beisei dan chuan September thla tawp khan Davis Cup khelh theih a inring, mahse 100%-in a dam hman lo, a beisei aiin a chawl rei ta hret.