Rotary Boxing: Pune Fight Night Ramfela'n WBC (India) title fi ght dawn

Mizo boxer HC Lalramfela chuan December 11, Pathianni hian Pune-ah Sabari J nen WBC (India) welterweight title an fight dawn. Rotary Boxing: Pune Fight Night hi tlai 5:30 aṭanga ṭan tur a ni a, Vive Network website emaw mobile app emaw hmangin a en theih ang.

Ramfela leh Sabari te inhnek tur hi main event tur a ni a, zan dar 7:00 chhoah an inhnek tura ngaih a ni. LPS pawhin live tumin hma an la mek a, he thuziah lai hian an pe chhuak thei dawn em, tih hriat a la ni lo.

Chawngtlai tlangval Ramfela hian professional f i g h t - a h n a m d a n g a hmachhawn tawhah a la chak vek. Ramfela hi Bawngkawnah a cheng a, fight hmasa pathumah Rohit, Chauhan Parashkumar leh Akoijam Naoton Meitei te hmachhawnin harsatna nei loin a hneh vek.

Kumina neih LPS Pro Fight-ah khan Ramfela hian semifinal-ah Lalruatzela H a u z e l h m a c h h a w n i n professional fight record tih ṭhat nan a hmang a, final-ah a  ṭhianpa Vanlalawmpuia lakah split decision-in a vanduai thung.

Ramfela coach Robert Lalchhuanmawia (Ch.M-a) chuan, "Alpha Martial Arts and Fitness Gym-ah thla hnih chhung a inpuahchah a, inhnek turin a inpeih viauin ka hria. A khingpui tur Sabari hi amah aia a len dawn avangin a awlsam lo ang," tiin Vanglaini a hrilh a, Mizo mipui thlawpna anmamawh thu a sawi tel bawk.

Chawngtlai tlangval Ramfela hi 60 kg-ah a inhnek ṭhin a, LPS ProFight-ah khan 63 kg huang chhungah a inhnek a, tun ṭumah hian 66 kg-ah a inhnek dawn. Ramfela chuan, "Inhnek tam hi ka duh a, WBC (India) welterweight title fightna remchang a nih avangin hun ṭha bawhpelh ka duh lo. Inhnek turin ka inpeih a, hnehna chang turin theihtawp ka chhuah ang," tiin Vanglaini a hrilh.

Ramfela khingpui tur Sabari hi kum 25 mi a ni a, professional fight vawi riat a hmachhawn tawhah vawi sarih chakin vawi thum a khingpui a knockout. Sabari chak loh ṭum hi professional fi ght hmasa ber a ni a, hemi hnu bout sarihah a zawnin a chak. Mizo tlangval Ramfela tan hna a harsa dawn.