Chhungte ngai pawimawhtu LeBron James
Los Angeles Lakers superstar LeBron James chuan NBA an khelh chhunzawm leh lai hian a phone a off loh tur thu a sawi, phone a en ṭhin chhan tur chu a chhungte hriselna dinhmun hriat reng a duh vang a ni.
Tukin zing aṭangin basketball inelna sang ber NBA hi khelh chhunzawm a ni a, playoff atana tling tawh leh a sang pariat zinga la tel thei tur team 22 chauh an inlan tawh dawn. Inelna hi Walt Disney Resort-ah neih niin, he hmunah hian hun rei tak chhung training an nei hmasa.
James hian basketball a khelh tak tak lai chuan social media a khawih meuh lo. April leh June thla inkarah pawh khan instagram leh twitter pawh a hmang lo. Hetih hun chhung hian inkhel loin a chhungte bulah hun a hmang.
American star James chuan, "Ngaihdan thar ka nei a, ka kaltlangpui pawh a ngai dawn. Phone khawih loa awm reng theih a ni dawn lo, inelna pawimawh tak hmachhawn mah ila nitin in ka chhungte dinhmun hre turin phone ka hman a ngai dawn," a ti.
Coronavirus vangin March thla aṭang khan NBA hi chawlh lailawk a ni. Tukin aṭanga khelh chhunzawm leh niin Lakers hian an elpui Los Angeles Clippers an hmachhawn nghal. James awmna Lakers hian Pathianni zingah Toronto Raptors an hmachhawn leh ang.
NBA Fixtures
July 31, Zirtawpni
Utah Jazz 04:00 AM New Orleans Pelicans
Los Angeles Clippers 06:30 AM Los Angeles Lakers
August 1, Inrinni
Orlando Magic 12:00 AM Brooklyn Nets
Memphis Grizzlies 01:30 AM Portland Trail Blazers
Phoenix Suns 01:30 AM Washington Wizards
Boston Celtics 04:00 AM Milwaukee Bucks
Sacramento Kings 05:30 AM San Antonio Spurs
Houston Rockets 06:30 AM Dallas Mavericks
Miami Heat 10:30 PM Denver Nuggets
August 2, Pathianni
Utah Jazz 01:00 AM Oklahoma City Thunder
New Orleans Pelicans 03:30 AM Los Angeles Clippers
Philadelphia 76ers 04:30 AM Indiana Pacers
Los Angeles Lakers 06:00 AM Toronto Raptors
Washington Wizards 11:30 PM Brooklyn Nets