En bik hlawh tur Ramos

Ronaldo thlaktu a nih miau avangin Goncalo Ramos-a'n ngaihven a hlawh a, Switzerland lakah hattrick a siam nghal avangin ngaihven a hlawh lehzual - kum 21 mi chauh la ni mah se pressure a ngamzia chu Swiss playerte zawh chi a ni ang!

Hungarian striker, ' e Emperor' hming lem an pek Florian Albert (1962) hnua World Cup hattrick siam thei naupang ber (kum 21 leh ni 169) mi hian zaninah bul a ṭan leh a nih ngat chuan en bik a hlawh leh dawn - tu nge a nih reng, i hriat a ngai.

Switzerland lakah minute 74 chauh khel mah se, Ramos hian shot ngah ber (vawi ruk), target-a shot ngah ber (5), khingpui box-a ball tawk hnem ber (6) dinhmun a luah vek hman a, Ronaldo-a'n World Cup knockout round-ah goal a la khung loh laiin a vawi khat khelhnaah goal thum a khung thung.

R a m o s h i a n Switzerland a hmachhawn hma khan ram tan matchthum chiah a la khel ve a, a minute ang zawng  phei chuan minute 33 bak Portugal jersey nen a la inlan lo. Mahse, Santos-a'n thutlukna huaisenthlak tak siamin bul a ṭantir a, goal thumin a chhanglet - zaninah Morocco tan mangchhia a thlen thei dawn em, tih chu zawhna awm mek a ni.

Benfi ca youth system chhuak striker hian tun season-ah amah siam liantu Benfi ca tan match 21 khel tawhin goal 14 a khung a, assist vawi ruk a nei bawk - a league match h n u h n u n g p a r u k a h goal sarih a khung a, inrintawkna a neih san vanglai tak a ni.

G e r m a n y l e g e n d Miroslav Klose (2002) hnua World Cup match bul ṭan hmasak bera hattrick siam nghal thei hmasa ber a ni a, Ronaldo (2006) hnua World Cup-a Portugal tana goal khung thei naupang ber a ni bawk - zaninah a inlan a nih chuan en bik a hlawh leh ang.