Sindhu kawng a harsa dawn lo?

Vawiin aṭang hian Dubai-ah Badminton Super Series Finals khelh ṭan a ni dawn a, Rio Olympic silver medallist shuttler PV Sindhu chuan a match hmasa berah Hi Bingjiao a hmachhawn dawn.

World number 3 Sindhu hian China nula bakah hian Akane Yamaguchi leh Sayako Sato te a hmachhawn leh dawn a, a paltlang zel a nih chuan world number 9 Bingjiao a hmachhawn leh thei dawn–round hmasa lamah chuan player langsar tak a hmachhawn dawn lo niin a lang.

India nula Sindhu huan kuminah India Open Super Series leh Korea Open Super Series nomawi a chawi a, Hong Kong Open-ah pahnihna a nih bawk avangin Dubai-ah hian rinkai a ni phak ang.

Hmeichhe inelna huangah hian champion tura rinkai zinga mi Olympic gold medallist Carolina Marin leh world champion Nozomi Okuhara te chu an inlan thei dawn lo a ni.

Mipa lamah world number 4 Kidambi Srikanth chu India tana medal beiseina a ni dawn. Srikanth hi world number 1 Vicktor Axelsen, Chou Tien Chen (world number 7) leh Shi Yuqi (world number 8) te nen group khatah an awm ho a, a kawng a awlsam dawn lo.