Brook a lo kir dawn

IBF world welter-weight champion hlui Kell Brook chu May thlaa a world title Errol Spence Jr laka a hloh hnuah boxing khel turin a lo kir leh dawn a, March 3 khian Sergey Rabchenko nen an inhnek ang–Sheffield khawpuia boxer pahnih inhmachhawnna tur hi light-middleweight a ni a, Brook-a tan he weight-a a inhnek hmasak ber

tur a ni.

Brook-a hmachhawn tur Rabchenko hi kum 31 mi niin fight vawi 31 a nei tawh a, vawi 29 hnehna changin vawi hnih a tlawm tawh a, hetihlai hian Brook hian vawi 38 fight nei tawhin vawi 36 hnehna a chang a, vawi hnih a tlawm ve tawh bawk. Brook chuan, "Weight division pahniha world champion nih hi ka tum chu a ni," tiin weight division hrana lo kir a tum chhan a sawi.

British boxer chuan sawi chhunzawmin, "Rei tak chawlh hnua hmachhawn nghal tur chuan Rabchenko hi boxer tum hautak em em tur a ni dawn tih ka hria a, mah se khawvel huap pha inhnek hmachhawn leh ngei ka duh si a ni. Kan khelh dan thlirin fight hmuhnawm tak a thleng ngei ang," tiin a sawi.