Vawiinah MPL7 khel tur zawnna

Tukin zing dar 10:00 hian Rajiv Gandhi Stadium-ah New Serchhip FC leh Chawnpui FC an inkhel dawn a, he Mizoram Premier League Qualifier in­khela chak zawk hian MPL7 an khel ang. Anni pahnih hi an inhnehtawk a nih chuan chhun lama Zo United FC leh IOC, Serchhip inkhel result an nghah a ngai ve thung ang.

MPL7 kalkawng

MPL Qualifier-ah hian MFA hnuaia district association tinin team pahnih ṭheuh an thawh thei. Tun ṭumah hian Aizawl DFA aṭangin Chawnpui FC leh Zo United an lo lang a, Serchhip DFA aṭangin L&L Tournament a zawna champion New Serchhip FC leh IOC, Serchhip an lo chhuak bawk. DFA dangin team an tir lo.

Team tinte hi vawi khat ṭheuh an inkhel kual chhuak dawn a, a sang berin MPL7 an khel ang. Pahnihna pawhin beiseina an la nei sang hle a, MPL6-a pasarihna Chanmari West FC nen MPL Playoff an la khel leh dawn a ni.

Tling thei pathum

Chawnpui FC leh New Ser­chhip-te hian vawi hnih khelhah point li ve ve an hmu tawh. Zo United-in vawi hnih khel tawhin point hnih an hmu tawh a, IOC Serchhip-in point an la hmu ve lo thung.

Vawiin hian New Serchhip leh Chawnpui an inkhel dawn. A chak zawk hian MPL7 an khel dawn. Anni pahnih hi lo inhnehtawk ta se, point nga ve ve an hmu dawn tihna a ni. Zo United-in IOC Ser­chhip lo hneh ta se, point nga bawk an hmu ve ang.

Point nga hmu pathum an awm chuan goal difference hmangin a sang ber zawn a ni dawn a ni.