Chanmarians-in RVL an hneh

Mahuma Memorial 1st Division Cricket Tournament khelh meka round sarihnaah match khat chiah khelh theih a ni a, nimina inkhelah Chanmarians chuan run rukin Ramhlun Venglai an hneh.

Suaka Cricket Ground-a inkhel pawh hi ruah sur rei tawh avangin over 25 chiaha khelh a ni a, Chanmarians an bat hmasa zawk - all rounder Reuben Lalhruaizela'n run 50 rawn siamin Chanmarians hian over 25-ah wicket li chiah hlohin run 134 an tlin thei.

Ramhlun Venglai lamin theihtawp chhuahin an target um mah se run 39 vaw chhuak­tu wicket keeper batsman Lalṭha­kima'n a team a chhanhim zo lo a, over 25-ah run 128 siamin wicket riat an hloh a, Chanmarians-in run rukin hnehna an chang.

Zirtawpni chawhma dar 9:30-ah semifinal match hmasa ber khelh a ni dawn a, Chanmarians leh RVL vek hi an intum ang.