Manipur-ah a vawi khat nan I League

India rama footballer langsar tak tak lo chher chhuak tawh ṭhintu Manipur-in a vawi khat nan I League an thleng dawn a, second division champion ni chunga I League inpetkai Neroca chuan vawiin chawhnu dar 2:00 hian Chennai City an mikhual dawn.

Chennai City hian match thum an khelh tawhah point khat chiah an la hlawh chhuak thei a, Neroca-in match hnih an khelh tawhah point thum an nei thung–Manipur club hian an match hmasa berah Minerva chu 2-1 in ngam lo mah se Gokulam lakah an insiamṭha nghal a, 3-0 in hnehna an chang.

Neroca hian ram pawn player langsar tak tak Haiti international midfielder Fabien Vorbe, Burnley aṭanga in zir chhuak midfielder Aryn Williams, Liberia international defender Varney Kallon, Nigerian striker Felix Chidi Odili, Trinidad and Tobaga international striker hlui Richard Roy leh Kyrgyzstan international winger Akhlidin Israilov te an kawl a, Mizo tlangval David Lalbiakzara a awm bawk.