Ishan Kishan-a'n 210 runs a siam

India-in mualpho hliahkhuh nan Inrinni khan Bangladesh chu 227 runs-in an sawp. Men in Blue leh Tigers te hian ODI match thum an khelha hmasa pahnihah an chak loh avangin series an la thei lo a, amaherawhchu match tawp berah an theihna tak an pholang.

Bangladesh-in vawm hmasak an thlang a, an tisual. India opener Ishan Kishan chuan ball 131 lekah 210 runs a siam a, Virat Kohli pawhin 113 runs siamin mikhual team hian over 50-ah 409/8 runs an siam tling.

Inkhelh banah Ishan Kishan chuan, "Ka rilru put hmang hi thuin ka sawifiah thiam lo. Tun ṭuma ka thil tawn hi ka hre reng tawh ang," tiin a sawi a, 200 runs a siam tlin avangin a lawm hle.

Mualneitu Tigers tan chak beisei ngam chi a ni tawh lo a, an target a san hret bawk avangin an daih rei lo. India bowler-ten over 34-ah Bangaldesh batter-te an vawm hlum vek a, 182 runs chauh an siam.