Australia-in Windies an sawp

Australia chuan mikhual West Indies lakah zahngaihna an lantir lo a, Test match vawi hnih an khelhah an hneh ve ve. Test match vawi hnihna Adelaide Oval-ah December 8-11 chhung khan khelh a ni a Australia hian 419 runs-in hnehna an chang.

Aussies hi ṭhum­vawrah an chak a, vuak hmasak an thlang. First Innings-ah Travis Head (175) leh Marnus Labuschangne (163) ten century an siam avangin Australia hian 511/7 runs an siamin an duh tawk a, West Indies hian 214 runs chauhin a chhanglet.

Second Innings-ah Australia hian 199/6 runs an siamin an duh tawk a, Windies tan chak turin 497 runs siam a ngai. Windies hian 77 runs chauh an siam a, Australia-in 419 runs-in hnehna an chang a, series 2-0 in an la bawk.