Manuel Neuer tan season a tawp

Germany leh Bayern Munich captain Manuel Neuer chu vura a tawlhnaah chesualin a ke ruh a tih tliah avangin tun season-ah a inlan dawn tawh lo. Kum 36 mi Neuer hi Qatar-ah inlan mah se Germany-in group stage an paltlang loh avangin hun thawl an nei a, chawlh a hmanaah a chesual.

Zirtawpni khan Neuer ke ruh tliak hi zai nghal a ni a, hlawhtling takin an zai. Neuer chuan, "Tun ai hian kum tawp kan khar ṭha thei tih ka hria a, tun season-a ka inlan lo tur hi hrehawm ka ti hle," tiin a sawi.

Neuer-a khelhna Bayern Munich hi Bundesliga-h hmahruaitu an ni mek a, Champions League-ah knockout stage lutin Lionel Messi, Neymar leh Kylian Mbappe telna PSG nen last 16-ah an inhmachhawn dawn. Germany no. 1 a awm dawn tak loh avangin kum 34 mi Sven Ulreich chu Bayern innghahna a nih a ṭul dawn a ni.

Hriat tel tur erawh Bayern second keeper Alexander Nübel chu loan hmangin Monaco-ah a awm mek a, an contract-ah koh let theihna a awm lo. Nubel-a agent Backs chuan, "Bayern lamin min la dawr lo," tiin a sawi. Bavarians hian Nubel hi an ko let a nih chuan Ulreich erawh bench-ah a awm chhunzawm a ṭul ang.

Bavarians hi an vanduai hle. FIFA World Cup-ah France international defender Lucas Hernandez chuan a khupah hliam a tawrh avangin tun season-ah a inlan theih a rinawm tawh lo bawk.