Mizoram Fight League Season 1 a hlawhtling ; Champion hmasa ber Promise Strivers
Mixed Martial Arts hmanga inelna, Mizoram Fight League Season 1 chu hlawhtling takin Ningani zan khan Pachhunga University College Auditorium-ah zawh a ni a, team pali inelnaah Promise Strivers an champion.
Nizan khan Mizoram State Mixed Martial Arts Association (MISMA) leh Zonet Cable Pvt. Ltd buatsaih thoin PUC-ah GRIT International Pro MMA Fight buatsaih a ni a, hei erawh MFL huang chhungah dah ni lo mah se MMA tehna aṭang chuan fighter ṭha zawk an inlan avangin inelna hmuhnawm zawk tura ngaih a ni.
Team inelna
MFL season hmasa ber hi team inena a ni a, season khatnaah hian fight night pali awmin Promise Strivers, BCA Brawlers, Juggernaut MMA leh DSZ Fight Club hnuaia fighter te an inel a, hei bakah hian fight night hmasa pathum hma hian contender fight neih ziah a ni bawk.
MFL4 (fight night palina) hi final leh pathumna zawnna a ni a, hei hi fight night hmasa pathum aṭanga teh a ni. Champion zawnnaah Promise Strivers leh DSZ Fight Club te an inhmachhawn a, bout ngaah Promise Strivers chak vekin nomawi an chawi. Match pakhat zawkah Mission Veng Juggernaut MMA-in bout liah Zarkawt BCA Brawlers chu hneh vekin pathumna an ni.
Main Event-ah Jack
Fight tawp berah a hmuhnawm ber tura ngaih Promise Strivers fighter Jack Lalsangliana leh DSZ fighter Lalfamkima te dah a ni a, beisei ang ngeiin a hmuhnawm nghal. Ṭan phat aṭangin an inhnek nghal miah miah a, boxing lam tawnhriat nei ṭha Jack-a aiin Famkima chu round 1-ah a che ṭha zawkah a ngaih theih.
Round hnihna pawh a hmuhnawm chhunzawm a, Lunglei tlangval Jack-a'n Famkima mit zawnah a hnek thawi thuak a, a kut dinglamin a hrut chhunzawm leh nghal zat a. Kolasib Diakkawn tlangval Famkima'n a mit dawm a, Jack-a'n hnek tum lehgnhal mah se referee a intla zep a, TKO hmangin Round 2, 1:36-ah Lunglei tlangval hi a chak.
Co-Main Event
Thenzawl tlangval Lalramdinthara'n a tir aṭangin Kulikawn tlangval Dengthanchhunga (Manova) ngam nghal mah se a hnek nat tawk loh avangin Manova a buai phah lo. Maova'n a thiamna a pholang a, armbar lock hmangin hmangin minute 2 leh second 50-naah a elh a, Ramdinthara a tlawm.
MFL Thlirna Tawi
1. FlyWeight
Juggarnaut vs BCA
PC Lalhminghluna, Bunghmun def. Lalbiaksanga, Tuikual North (Unanimous Decision
2. Bantamweight
Juggernaut vs BCA
Lalnunpuia, Seling def. David Zairemthanga, Zemabawk (Unanimous Decision)
3. Featherweight
Juggernaut vs BCA
Emmanuel Lalthianghlima, Lunglei def. Lalruatnunga, Ramthar North (Submission, RNC Round 1 2:16)
4. Flyweight
Juggernaut vs BCA
Pathian Malsawmdawngliana, Kawrtethawveng def. Ngursaimawia, Luangmual (Submission, RNC Round 3 1:24)
5. Lightweight
Promise Striver vs DSZ
Vanlalchhuanga, Dawrpui Vengthar def. Lalruatkima Pudaite, Falkland (Unanimous Decision)
6. Featherweight
Promise Striver vs DSZ
Lalnunsiama, Lunglei Rahsi Veng def. Lalruatdika, Luangmual (Unanimous Decision)
7. Featherweight
Promise Strivers vs DSZ
C. Lalduhawma, Durtlang Leitan def. Lalchhuanmawia Hmar, Republic Vengthlang (Unanimous Decision)
8. Bantamweight
Promise Strivers vs DSZ
Dengthanchhunga, Kulikawn vs Lalramdinthara, Thenzawl (Submission, Arm Bar. Round 1 2:50)
9. Welterweight
Promise Strivers vs DSZ
Jack Lalsangliana, Lunglei def. Lalfamkima, Diakkawn, Kolasib (TKO, Round 2)