Division 1 Futsal Champion IDBI, Tuikual

Mizoram Football Association buatsaih Division One Futsal Tournament-ah IDBI Tuikual chuan final-ah T&S Armed Veng chu 10-6 a hnehin an champion. Inelna hi Mini Sports Complex, 1st MAP Campus, Armed Vengah khelh a ni a, final hi December 16, Inrinniah khelh a ni.

Champion team IDBI Capital, Tuikual hian Rs 10,000 an dawng a, pahnihna T&S Armed Veng hian Rs 5,000/- an dawng thung. Semifinalist Vengthar United, Kawnpui leh Zonuam Futsal Club te hian Rs 2,000 ve ve an dawng bawk a ni.

MFA chuan kum 2018 January hian MFA Futsal League an buatsaih dawn a, league khel tur team 16 an tling tawh. Hei bakah hian Division One team tan tournament an buatsaih dawn a, kum naupang zawkte bakah veteran tan tournament siam a tum bawk.

Division One Futsal Final
IDBI Capital, Tuikual 10-6 T&S Armed Veng
IDBI : Lalremruata (6 Goals); Lalmalsawma (2); Thomas Lalengkima; Laldampuia
Armed Veng : Simon Lalruatkima (3 Goals); R. Vanlal­ruatpuia (2), Dawngzuala