MPL khel zui tur Chanmari West FC

Tualchhung football inelna ngaihhlut ber Mizoram Premier League season hnuhnung bera pasarihna Chanmari West chu season tharah an hmel kan hmu chhunzawm dawn.

Chanmari West FC hi MPL7 Qualifier-a pahnihna Zo United FC nen MPL Playoff khel tur an ni a; nimahsela Zo United FC lamin harsatna an neih avanga MPL Playoff an khelh theih loh tur thu MPL Board-ah an thlen.

MPL Board chuan, “MPL dana inziakah MPL-a pasarihna leh MPL Qualifier-a pahnihnate MPL Playoff khel tura tih a ni a, MPL Qualifier-a pahnihna Zo United FC an inhnuhdawh avangin MPL7 khel turin MPL6 lama pasarihna Chanmari West FC chu an tling ta a ni,” tiin an rel.

MPL6 aṭangin champion hmasa ber Dinthar an tla a, an hmun ruak luah turin Chawnpui FC an inpet tling tawh. Season tharah chuan - Chhinga Veng, Aizawl FC, Mizoram Police, Chanmari FC, Ramhlun North, Bethlehem Vengthlang, Chanmari West leh Chawnpui FC te an inel dawn a ni.