Diego Maradona nihrualtu Hamsik

Diego Maradona-a'n kum 1991-a record a lo siam tawh chu Marek Hamsik-a'n a tluk ta. Napoli forward pahnihte hian an club tan inelna hrang hrangah goal 115 an khung tling ta a, Napoli tana goal khung hnem ber pahnih an ni.

Inrinni zan Italian Serie A inkhelah Napoli hian Torino chu 3-1 in an hneh a, Slovakia international Hamsik hian record nihrual tur hian Dries Mertens hnen aṭanga a ball hmuh chu chiang zetin a khung a ni. Napoli tan Kalidou Koulibaly leh Piotr Zielinski ten goal an khung ve bawk.

Inkhel dangah hmahruaitu Inter Milan chu San Siro-ah an mikhual Udinese lakah 3-1 in an tlawm a, Napoli hian point 42 hmuin hmahruaitu an nih ve leh ta. Inter aiin point hnihin an sang zawk. Champion lai Juventus chuan nizan khan an hnuai chiaha awm AS Roma an hmachhawn a, a chawk zawkin Inter Milan hi an lehpel thei ang.