CCR Construction Fitness Festival 2022 a hlawhtling

Bodybuilding and Fitness Association of Mizoram (BBFAM) chuan December 5-10 chhung khan CCR Fitnesss Festival 2022 chu hlawhtling takin an buatsaih. Inelnaah hian Lunglei (LDBFA), Champhai (CDBFA), Kolasib (KDBBFA) leh Aizawl aṭangin infiammi 70 lai an tel a ni.

December 5-7 chhung khan Hawla Indoor Stadium kawtah Fitness Championship neih a ni a, December 8 leh 10 zanah Vaivakawn Cultural Centre cum Auditorium-ah Bodybuilding Championship neih a ni leh bawk. Intihsiaknaah hian Junior category-ah hian kum 23 hnuai lam rawn inlanin an khua/veng hmingin an chhuak a, a bak zawng hi Gym emaw District Association aiawhin an tel thung a. Lawmman pawisafai Nuai 1.7 lai mi 37 hnenah sem ral a ni.

Mister Mizoram 2022-ah MK Manuel Hmar, Kolasib chu thlan a ni a, Fitness Senior Fitness Champion chu Stephen C Thanmawia, Champhai a ni.