World Cup Hlimthla

Vanglaini chanchinbu: Portugal-in Morocco hneh loa World Cup aṭanga an tlak khan Lalthianghlima, Serchhip Vengchung chuan WhatsApp status-ah Vanglaini dah khawm thlalak pho chhuakin 'Ronaldo leh Vanglaini' a ngaihhlut thu a ziak. Lalthianghlima chuan "He Vanglaini chanchinbu-ah hian RONALDO chanchin tam tak a inziak. A era a her liam mek takah chuan ka roh thar telh telh mai. Uluk taka ka lo dah ṭhat ve ngar ngar 2008-2016 chho vela mi nih hi. Engtia tih ral mah ka phal lo. In dil awih loh," tiin a ziak.

Lalthianghlima te hian in an sak avangin inluah sawn a ngai a, chhungkaw bungraw pawimawh ber angin Ronaldo chungchang ziahna Vanglaini chanchinbu chu a thiar kual ve zel. Vanglaini pawhin heti taka Vanglaini chanchinbu ngaihlutu a nei hi a lawm hle a ni.

Player-ten Walid Regragui an vawr:
Morocco player-ten World Cup semifinal thlenpuitu coach Walid Regragui an vawr. Morocco hi Africa ram zinga World Cup-a point hmu hmasa ber (1970) an ni a, knockout stage lut hmasa ber (1986) an nih bakah semfinal thleng hmasa ber (2022) an ni bawk. Tun inelnaah hian Morocco lamah an khingpui player-ten goal an la khung lo.

Argentina captain-in Netherlands coaching staff a tiel:
Lionel Messi chuan Netherlands laka penalty aṭanga goal a khung zawhah an khingpui technical area lamah kalin Louis van Gaal leh a thawhpui tiel takin a celebrate khum.

Argentina player-ten an deusawh:
Argentina-in penalty shootout hmanga Netherlands an hneh chiah khan La Albiceleste player-te chuan an chak lawm pahin Oranje player lamah hawiin an deusawh.

Mbappe a hlim:
England captain Harry Kane-a'n penalty a hlah chiah khan Kylian Mbappe chu lawm avangin hlim sangin a au.