Kerala Blasters-in Bengaluru an hneh

World Cup boruak karah Indian Super League pawhin result ngaihnawm an nei ve zel a, Kerala Blasters chuan semifinal khelh loh an duh lo tih pholangin, Pathianni zan khan Bengaluru chu 3-2 in an hneh.

Bengaluru tan captain Sunil Chhetri chuan minute 14-na lekah ama hlawhchhuah penalty chu goal-ah a chantir a, khualmualah chak beiseina sang tak an nei.

Mahse, Bengaluru an hlim rei lo - si an phurh aṭanga minute 11-na lekah Blasters chuan Marko Leskovic hmangin si phurh an sut a, chawlhlawk hman hmain Dimitrios Diamantakos chuan a belhchhah bawk.

A la tawp lo - Apostolos Giannou chuan minute 70-naah a belhchhah ve leh a, minute 81-naa Bengaluru tana Javi Hernandez goal khungin awmzia a nei phak tawh lo.

Blasters tan league match a zawna vawi nga an chakna chiah a ni a, season bul ṭan ṭha lo mah se an insiamṭha mek. Bengaluru erawh match hnih a zawnin an tlawm leh ta a, table-ah pakuana an ni mek.