Manipur derby-ah Trau an chak

I League-ah Manipur-in club pahnih Trau leh Neroca an nei a, Pathianni zan khan Khuman Lampak Main Stadium-ah Manipur club pahnih hi inkhelin Trau 2-1 in an chak. Nimin tlai inkhelah RoundGlass Punjab chuan hmahruaitu Real Kashmir chu 1-0 in an hneh a, I League khelh mekah sang fal an awm lo.

M a n i p u r D e r b y - a h Neroca-in Tangva Ragui hmangin khung hmasa mah se an goal neih an hum thei lo. Trau-in minute 47-naah Gerson hmangin siphurh an sut a, injury time-ah Godfred Yeboah-a'n chakna goal a khung zui bawk.

I League table chunglam inkhelah RoundGlass Punjabin Pranjal Bhumij hmangin minute 21-naah an khung a, Real Kashmir-in a chhanletna an nei lo. Kashmir player pahnih Akashdeep Singh leh Moro Lamine te chu second half-ah hnawhchhuah an ni a, tun season-a an vawi khat chak lohna chauh a ni.

Nizan khan round 7 khelh zawh a ni a, round 8 khelh chhunzawm a ni lehnghal dawn. Mizo club Aizawl FC chuan December 17, Inrinni hian RG Stadium-ah Kenkre an mikhual ang.