Club football-ah Enrique a kir dawn

FIFA World Cup 2022 last 16-ah Spain-in Morocco an hneh lo a, La Roja coach Luis Enrique a bang. Enrique hian Spain hi nomawi chawipui lo mah se football hmuhnawm a khelhpui a, Barcelona manager hlui hi club lian tan pawh a iaiawm loh.

Enrique chuan, "Club football-a kir ka duh. Spain enkawlin tawnhriat ṭha tak ka neih belh a, tunah chuan club enkawl ka duh," tiin ram football aia club football a thlan tur thu a sawi.

Nikum pawh khan club ṭhenkhat chuan lak tumin an dawr a, amaherawhchu Spain tana a rilru zawng zawng a pek avangin Enrique hian amah dawrtute a hnar. Tunah erawh Enrique-a'n hna a nei lo a, tun season chawhnu lama club a neih hman loh pawhin season tharah chuan club a nei tawh ngei ang.