Bucks lakah Warriors an tlawm

Giannis Anteto-kounmpo-a point 30 hmangin Milwaukee Bucks chuan Golden State Warriors 128-111 in an hneh, tun hnai season hniha NBA champion pahnih inkhelah Bucks an chungnung zawk.

Warriors hian season bul ṭan fuh mah se a hnu lamah an che chhia, kualmualah phei chuan an chak hleithei lo. Match 14 zinga 12-ah an tlawm a, chumi hnuah Boston Celtics an hneh hram, an result ṭha hi an chhawm nung chhunzawm thei lo.

Bucks lamin Stephen Curry lakah dan an bawhchhia ni ngei hretu GSW coach Steve Kerr chuan technical foul a nei hial a, inkhel boruak a sang. Kerr chuan, "Thil engkim mai hi kan lamah a ṭang lo emawni tih mai a awl ṭhin.

"Chet fuh loh a kaltluan laklawh hi chun thil hi a harsa, mahse engtik niah emaw chuan kawng dik kan zawh leh ngei ang, ka naute hian theihna an nei sang tawk tih hi a taksa hretu ka ni," tiin a sawi.

Inkhel dangah Celtics an insiamṭha leh nghal. Overtime an khelh hnuah Celtics hian Los Angeles Lakers chu 122-118 in an hneh, hnehna an chan theih nan point 44 neitu Jayson Tatum chuan a thawhhlawk hle.

NBA regular season kal laiah Celtics hi vawi 22 an chak tawh a, vawi sarih an tlawm tawh thung. Eastern Conference table hmahruaitu an ni thei a, an hnuaiah hian vawi 20 chak tawh Bucks an awm thung a ni.

Lakers tan Anthony Davis-a'n point 37 a neih bakah rebound vawi 12 a la a, player ṭha bik LeBron James pawhin point 33 a nei. Mahse, Lakers hi an match hnuhnung panga zinga paliah an tlawm!

NBA player hlui Charles Barkley chuan, "Western Conference-ah 12-na an ni, a nihna tak sawi chuan Lakers hi hriatthiam an harsa. Mimal ni loin team ṭha an mamawh niah ka ngai," tiin a sawi.