Richarlison a chawl rih dawn

World Cup quar-terfinal-a Croatia laka an tlawm ṭuma malpui hliam Richarlison chu a chawlh rih a ngai dawn a, he thuziak a nih lai hian a chawlh chen tur tak erawh sawi chian theih a ni lo.

Khawthlang media-te tarlan dan chuan Tottenham Hotspur forward hi a tirah chuan a thla tel a chawlh ngai tura ngaih a ni a, mahse, thla em a ngai lo turah Spurs chuan an ngai.

Tun season-ah hian hliam vangin Spurs an buai ngun hle -

Qatar-a match li a khelh aṭanga goal thum khungtu Richarlison hma hian Dejan Kulusevski, Cristian Romero leh Son Heung-min te chu hliam vangin an lo talbuai tawh bawk.

Spurs hian World Cup zawh hnua an match hmasa ber chu Krismas ruaiṭheh ni, December 26, zan dar 6:00-ah an khel dawn a, khualmualah Brentford an lenchilh ang.