Gokulam khingpui tur Neroca

Vawiin tlai dar 4:30 hian Gokulam Kerala leh Neroca te an inkhel dawn. I League champion lai Gokulam hian pakhatna dinhmun luah turin Manipur club hi an hneh a ṭul a, chutihrualin kumin I League intluktawkzia thlir chuan chak chiang tih tur an ni lo. Inkhel dangah vawiin tlai dar 2:00 hian Trau leh Rajasthan FC te an inkhel bawk ang.

Thawhlehni zan khan Mohammedan SC leh Kenkre te an inkhel a, 2-2 in an inhnehtawk. Kolkata club hian Marcus Joseph leh Abiola Dauda te hmangin ṭum hnih hma hruai mah se mikhual team Kenre-in Azfar Noorani leh Kiran Pandhare hmangin an sut ve ve.

Tun season I League champion hian season tharah Indian Super League an khel dawn a, inelna kalphung pawh a ngai angin an kalpui leh tawh. Team 12-te hi vawi hnih ṭheuh an inkhel kual ang.