Final khelhna tur Lusail Stadium

16th December, 2022

FIFA World Cup 2022 final khelhna tur Lusail Stadium hi stadium pariat zinga lian ber a ni a, entu 88,966 an leng. Lusail Stadium-ah final hmain match kua khelh a ni tawh a, final khel tur Argentina-in match li an khel tawh a, France erawhin an la khel ve lo thung.

Lusail Stadium hi Argentina-in Saudi Arabia an hneh lohna a ni a, chutihrualin Mexico bakah Netherlands leh Croatia an hnehna a ni bawk. Entu tam ber ṭumin Argentina-in Mexico leh Croatia an hneh ṭum kha a ni a, entu 88,966 an awm.

Stadium hi April 11, 2017 khan sak ṭan a ni a, November 22, 2021 khan an hawng. World Cup zawhah hi chuan stadium hi entu 40,000 leng turin an ti te ang. Lusail Stadium hi a mawi em em a, Global Sustainability Assessment System (GSAS) pawhin 'five star rating' a pe hial a ni.