Police meet-ah medal la

All India Police Games, 2022 Volleyball Cluster (Table Tennis, Volleyball, Basketball, Yoga leh Hand Ball) inelna chu December 10-15 chhung khan neih a ni. Jalandhar, Punjab-a inelna neihah Mizoramin singles huangah medal pahnih an la.

Table Tennis inelna bik hi All India Police Games-ah an telh vawi khatna a ni a, Mizoram Police Table Tennis infiammi pariat kalin women's singles-ah C. Lalremruati chuan Uttar Pradesh mi Om Kumari 3-1 a hnehin a champion. Men's singles-ah R. Lalsangzuala chuan bronze Medal a la bawk.

Mizoram Police Men's Team leh Women's Team te'n Silver Medal an lak ve ve bakah women's doubles-ah C. Lalremruati leh Lalbiaknii te inkawpin silver medal an la bawk.