Ticket man a to

Qatar World Cup final enna ticket man to ber chu Rs 1,27,000 a ni dawn, match hnuhnung ber en man hi chawlhrualin Rs 67,000 vel a ni dawn - World Cup neih tawhah chuan ticket an to ber ṭum a ni.

Mipui vannei zual 88,966 ten Pathianni zan hian Lusail Stadium-ah World Cup final hi an en thei dawn. FIFA website aṭanga a lan dan chuan, ticket man tlawm ber pawh hi Rs 16,000 vel bawr a ni dawn.

Russia rama World Cup khelh a nih aṭangin kum li chauh a la lian, inelna hnuhnung nena khaikhin chuan kuminah hian chawhrualin ticket man hi 14% teh meuhin a sang zawk.

Ticket hi a enna hmun a zirin chi hrang pahnih 'Individual Match Ticket' leh 'Obstructed View Ticket'-ah ṭhen hran an ni a, heng ṭhen hrante hi a ṭhutna hmun hlat leh hnaih dan a zirin a man a inang lo fur. Mi pawimawh bik tana siam a awm bawk a ni.