World Cup final match referee tur Szymon Marciniak

Football thuneitu sang ber FIFA chuan World Cup final match referee atan Szymon Marciniak an ruat. Poland referee hi a hnam pui Pawel Sokolnicki leh Tomasz Listkiewicz (assistant referee) ten mual sirah an ṭawiawm bawk ang.

Polish referee hi tun World Cup khelh laia fak hlawh tak a ni. Group match lamah France leh Denmark inkhel a kaihruai tawh, hei bakah hian Argentina leh Asutralia ten last 16 an khelh chu a lo kaihruai tawh bawk.

Knockout stage chinah match official sawiselna a langsar angreng viau. A bik takin Argentina leh Netherlands inkhel thununtu Antonio Mateu Lahoz phei chuan yellow card 18 a phawrh a, hei hi record thar a ni hial - player 16 leh coach pahnihin card an hmu!

Final-a ham tur Marciniak hian 2013 aṭang khan FIFA hnuaia match lian enkawl hna hi a lo thawk tawh a, a bul ṭanna tak erawh an ram league-ah niin kum 2009 khan hna a lo thawk ṭan tawh thung.

France leh Argentina inkhel a ham tawhna match pahnihah hian red card a phawrh lo, yellow card erawh vawi nga a phawrh a, penalty a pe miah lo bawk - FIFA referee chairman Pierluigi Collina chuan a ringtawk hle.