Odisha leh Bagan an inhnehtawk

Indian Super League inkhelah Odisha FC leh ATK Mohun Bagan chu Ningani zan khan an intawng a, team pahnihin goal an khung theih loh avangin 0-0 in an inhnehtawk.

Odisha-in 53% ball changin vawi 17 ngawt shot nei mah se goal an khung thei lo a, a tawpah point-a lungawi an zir a ṭul.

Bagan coach Juan Ferrando chuan, "Player inhliam kan ngah em em a, kan tan a harsa a ni. A chang chuan foreign player pathum chauh hman theih changte kan nei a, a awlsam lo," tiin a sawi.

Kalinga Stadium, Bhubaneswar-a inkhelah Odisha tan Jerry Mawi-hmingthanga leh Isaac Vanmalsawma te an khel tluan a, Bagan tan Lalrinliana Hnamte chu bench aṭanga luhtir a ni bawk.