NT Biakkima Ngaihdan

Social media lamah pawh Tyson-a workout lai ka lo hmu a, a hmuhnawm khawp mai. Mahse, boxer pahnih hi kum 50 chuang ve ve an ni tawh a, infiamna hautak em em hmachhawn tur an nih avangin kan beisei ang hi chu kan hmuh ka ring chiah lo. 

Khawvel huapa boxer lar an nih avangin an ropui a, an sulhnu pawh sawi nawn a ngai lo. Mahse, he infiamna hi chu ṭhatlai huna khelh chi a ni a, ka mimal ngaihdanah chuan professional fight kan hmuh ṭhin ang tak taka lo thlir chi niin a lang lo. 

(Mizo boxer NT Biakkima hi LPS Pro Fight lightflyweight-a a zawna vawi nga champion tawh a ni a, June 8, 2018-a world number 1 leh Olympic champion Hasanboy Dusmatov a hneh avangin Indian media-te chuan an hmelhriat ṭan. 

VN Promotions hnuaiah awmin Seoul, South Korea-ah a awm. IBO world minimumweight title fight-a inlan tawh Filipino boxer hlui Michael Villarma Landero hnuaiah training a nei mek a, WBC Asia title fight neih a beisei.)