Vawiinah Cricket Final

Mahuma Memorial 1st Division Cricket Tournament Final chu vawiinah khelh a ni dawn a, Suaka Memorial Cricket Ground, Sihhmuiah chawhma dar 9:30 hian Chanmarians CC leh Chhinga Veng CC-ten champion nih an inchuh dawn.

Chanmarians hi league round-ah hmahruaitu nichunga semifinal lut an ni a, match sarih an khelhah vawi ruk hnehna chang theiin match khat hi ruahsur vanga an inkhelh loh avanga point insem a ni - team ṭha an ni tih a chiang a, champion ngei an tum ang. Chanmarians hian final lut turin semifinal-ah Ramhlun Venglai chu run 79-in an la hneh thei a ni.

Chhinga Vengin league round-a match sarihah vawi li hnehna changin vawi khat an tlawm a, vawi hnih an khingpui nen point an insem - final lut turin semifinal-ah league table-a point khata an phak loh Kulikawn chu run 47-in an hneh a, table hmahruaitu Chanmarians an hlau lo ang.