Chelsea manager Antonio Conte a nghet

Chelsea manager Antonio Conte chuan season tawpa chhuak mai tur anga thawm awm leh ṭhin chu thu dik tawk lo a nih thu a sawi chhuak a, Premier League nomawi beiseina an la neih thar leh thu a sawi bawk.

Italian manager hian a season hmasa berah Blues hi league no­mawi a chawi pui nghal a, a champion hnu hian contract thar ziakin kum 2019 thleng London club tan hian contract a nei mek a ni.

Amaherawhchu, Juventus manager hlui hi a hma hun a chiang lo nia sawi a awm fo a, hna nei loa awm mek Carlo Ancelotti-a'n a thlak dawn tiha sawi pawh a awm.

Kum 48 mi Conte chuan, "Ka hma hun chungchang hi dik lo taka sawi a awm fo, season hmasaa kan chet dan leh tun season kan hman danah hian ka ngaihdan chuan hei aia zah hi chu ka phu vein ka hria. Chelsea leh coach hran an inbia tih vel thuthang hriat reng hi ka tan buaina tur ni lo mah se thil ṭha lo zawk thlen thei a ni," tiin a sawi.