Australian Open khel lo tur Mirza

Indian tennis star Sania Mirza chuan nakkum Janaury thla a khelh tur Australian Open-ah a inlan theih loh tur thu a sawi, Grand Slam tournament hmasa ber a khelh theih loh tur chhan hi a khup hliam a la dam theih loh vang a ni.

Kum 31 mi Mirza chuan, "Tun dinhmunah ka la tlan ngil hleithei lo a, ka la zuang ngam lo bawk. Ka dinhmun ka ngaihtuahin ka tan Australian Open khelh ngaihna a awm lo," tiin a sawi.

Hmeichhe doubles world number 1 hlui Mirza hian hliam nei chunga inkhelh luih a duh lo a, season tharah Commonwealth Games (April 4 to 15) leh Asian Games (August 18 - September 2) khelh theih ngei a beisei thu a sawi thung.