De Bruyne-a'n contract thar ziak dawn

Manchester City chuan an midfielder pawimawh Kevin de Bruyne leh Fernandinho te contract thar ziak turin an hmin hnai nia sawi a ni.

Kum 26 mi Belgium interna­tional hian kum 2015 khan Wolfsburg aṭangin City hi club record ni turin pound maktaduai 55-in a zawm a, kum ruk daih contract a ziak. City chuan league-a vawi 16 an chak zawn theih nan De Bruyne pawimawhna an hmu chiang a, chelh nghet an duh.

De Bruyne chuan, "City-ah hian ka hlim em em a, hmun danga kal tumna ka nei lo," tiin a sawi. Chelsea player hlui hian tun season Premier League-ah goal ruk khung tawhin assist vawi riat a nei tawh a, kum tawp lama mimal lawmman dawng chho thei tura ngaih a ni.

Brazilian midfielder Fernandinho hi season tawp ruala contract tawp mai tur a ni tawh thung a, City hian Pep Guardiola hnuaia khel tlakah la ngaiin contract thar an zawrh a, a pawm ngei beisei a ni.