Zaninah India-in T20 khel dawn

India leh Sri Lanka chuan Twenty20 series match thum an khelh tura an match hmasa ber chu zanin dar 7:00 hian an khel ṭan dawn. Ram pahnih hian Test series leh ODI series an khel zo tawh a, series pahnihah hian India-in hnehna an chan ve ve avangin Sri Lanka tan series whitewash pumpelh tur chuan T20 series tal lak ve a ṭul ang.

Nipui lai khan ram pahnih hian Test, ODI leh T20-ah series lo khel tawhin Sri Lanka-ah India hian mualneitu an whitewash a, an mikhualna ramah pawh an tih theih thil hi mahni mualah chhunzawm an tum ang–India tan Bollywood actress Anushka Sharma nena innei hlim Virat Kohli a la inlan thei dawn lo a, Delhi batsman awm loh hlan hian ODI match hnihnaa Sri Lanka laka double century siamtu Rohit Sharma chuan captain dinhmun a chelh dawn.

Sri Lanka-in tun hnaia beisei phak lo an bowler langsar Lasith Malinga chu squad-ah an telh lo a, September hnua ram tana la inlan leh lo bowler awm loh hlanin player ṭhangduang Vishwa Fernando leh Dushmantha Chameera ten an theihna an pholan a ṭul dawn a ni.

India squad-ah pawh player tharlam hmuh tur an awm nual a, tawnhriat nei ngah tia chhal ngam player chu Rohit Sharma leh MS Dhoni chiah an ni a, anni pahnih kaihhruaina hnuaiah hian KL Rahul, Deepak Hooda leh Shreyas Iyer-ten par chhuan an tum ang.

India Squad:

Rohit Sharma (Capt), Rahul, Shreyas, Manish, Dinesh Karthik, MS Dhoni, Hardik, W Sundar, Yuzvendra, Kuldeep, Deepak Hooda, Bumrah, M Siraj, Basil Thampi, Jaydev Unadkat