Hmasawn kan inbeisei –Marchionne

Formula 1 team hlun Ferrari president Sergio Marchionne chuan season tharah hma an sawi ngei a beisei thu a sawi chhuak.

Season liamta khan Sebastian Vettel leh Lewis Hamilton te an inel tawk chho hle. Mahse, Asia-ah an intlansiak hnuin Ferrari chu Mercedes hnungah an awm ni satliah mai loin an hnufual hle a, season tawpah phei chuan an phak lo hle a ni.

Marchionne chuan, "Nakkumah chuan hma kan sawn ang, nomawi chuh thei kan ni ang tih hi ka sawi lawk ngam. Team chhunga mimal tinin an hna ṭheuh hnehsawh takin an thawk a nga, a rah chhuah kan hmu ang," tiin tun hnaia an tluk hleih theih loh Mercedes hnuaia awm a tum tawh lo hle.