Baggies-ah a nghetin Hegazi

West Bromwich Albion defender Ahmed Hegazi chuan loan-a a khelh mekna Premier League club-ah a ngheta awm turin contract a ziak a, inremna ang chuan kum 2022 nipui thleng Baggies-ah hian a cham dawn. Egypt international hi a man zat tarlan ni lo mah se pound maktaduai li vel ni tura ngaih a ni.

Kum 26 mi defender hian English club hi season khat chhung loan-a khel turin Egyptian club Al Ahly aṭangin a zawm a, a khelh ṭhat chhunzawm avangin Baggies hian club dangin an hel hmain contract nghet an ziahpui ta nge ngei a ni.

West Ham boss Alan Pardew chuan, "Kan club tan chanchin lawmawm tak a ni. He hmun ka rawn pana ka hmuh chinah chuan Ahmed hi engtiklai pawhin a khel ṭha a, a theihna tak tak hi kan la hmu dawn chauhah ka ngai a ni," a ti.

Pardew chuan sawi chhunzawmin, "Hmasawn tuma ke kan pen zelna kawngah Hegazi hi player ṭangkai tak a ni thei tih kan hria. Team tan a pawimawh em em a, club leh ama tan pawh contract nghet kan ziak thei ta hi a lawmawm hle," a ti a, club leh player tan an thutlukna chu a ṭhat ve ve thu a sawi.