Galatasaray-in an coach an ban

Turkish club ṭha Galatasaray chuan an coach Tudor chu an match hnuhnung palia vawi thum an tlawm hnuah a hna aṭangin an ban a, Juventus defender hlui hmun ruak luahtu tur hi an la puang rih lo.

Croatia international hlui Tudor hian February khan Jan Olde Riekerink hmun ruak luahin Galatasaray hi a enkawl ṭan a, mah se league-ah palina dinhmun bak a thlenpui zo bik lo. Tun season-ah beiseina sang tak nen bul ṭan leh mah se an inṭhen ta zawk a ni.

Kum 39 mi manager hian Pathianni khan second division club Yeni Malatyaspor lakah Galatasaray hi 2-1 in Turkish Cup-ah a tlawmpui a, inkhel pahnih belhkhawm aṭanga tehin a tlang zawkah ṭang mah se Turkish club tana a match hnuhnung ber a ni ta zawk.

Turkish League-a vawi 20 champion tawh club hi Super Lig-ah pahnihna an ni mek a, hmahruaitu Istanbul Basaksehir aia an hniamna hi point khat chiah ni mah se an league match hnuhnung pasarihah vawi li an tlawm tawh a, Europa League-ah qualifying stage an paltlang zo lo bawk.