Nadal leh Djokovic ten New York lam an hawi

August 15 aṭanga khelh tur Cincinnati Masters atan Rafael Nadal leh Novak Djokovic ten hming an pe lut a, hard court inelnaah hian player langsar inlan tur an ṭhahnem angreng hle.

Hun rei tak tennis a khelh theih loh hnuah August thla aṭang hian United States-ah an khel ṭan leh tawh dawn. Covid-19 vangin player tam takin US-a zin an hreh a, chutih laiin tournament an khelh loh rei tawh avangin inlan ngei erawh an duh.

ATP Masters 1000 zinga mi Cincinnati Masters hi March thla hnua mipa inelna awm leh hmasa ber tur a ni a, August thla tir lamah hian hmeichhe inelna ṭhenkhat chu a awm ang. Tournament hi US Open inbuatsaihna chi khat a ni ṭhin. Nadal leh Djokovic te bakah - Grigor Dimitrov, Marin Cilic, Dominic Thiem, Stefanos Tsitsipas, Felix Auger Aliassime, Denis Shapovalov, Alex de Minaur leh Alexander Zverev ten hming an pek luh avangin ngaihhlut 

a hlawh tih a lang.