Venus Williams-i'n Australian Open khel dawn

Venus Williams chu January thlaa khelh ṭhin Australia Open khel turin wildcard pek a ni a, United States tennis player Venus hi kum 42 mi a ni tawh.

Australian Open hi January 16 aṭangin khelh ṭan a ni dawn. Season liam ta khan Venus hian tournament 13 khelin vawi thum chauh a chak a, result nei ṭha lo mah se a unaunu Senera hnung zuia chawlh mai la tum lo.

Venus chuan, "Melbourne-a ka kir tur hi ka phur hle. Australian mipui hmaa khelh leh hi ka tan chawimawina a ni. Kum 20 chuang Australian Open hi ka khel ta a, ṭawiawmna ṭha tak ka dawn ṭhin avangin ka lawm hle," tiin a sawi.

Hmeichhe tennis ranking-ah Venus hi 1,007-na a ni mek a, competitive match hnuhnung ber chu kumin August thlaa neih US Open a ni a, first round a paltlang lo.