Mangṭha Griffin Park

Brentford hi kum 130-a upa club a ni a, tuna an khelmual hmanlai Griffin Park hi kum 116 chhung zet home match khelh nan an hmang tawh. Bees hian season tharah chuan stadium thar Brentford Community Stadium an hmang dawn a, Griffin Park-a official match hnuhnung ber chu Playoff hi a ni.

Championship club-in duhthusama ṭhain Griffin Park an mangṭha a, an mualah 3-1 zeta chakin Wembley Stadium-ah Playoff final an khel dawn. Brentford hi 1930s chhoah English top flight club ṭha zingah tel ve mah se Premier League-ah erawh an la inlan lo a, an club chanchina bung thar kai thei dinhmunah an ding.

Griffin Park khelmual len zawng hi 100 x 67 metres a ni a, entu 12,300 an leng. Setpember 1904 khan stadium hi hman theih turin hawn a ni a, Brentford hian kumin thlengin home match khelh nan an hmang.