Sunil Chhetri-a'n chawimawina a dawng

Bengaluru FC striker Sunil Chhetri leh professional golfer Aditi Ashok-te chu ACT Fibernet-SWAB ‘Sportsperson of the Year’ chawimawina pek an ni. India captain Chhetri hian he chawimawina dawng tur hian cricketer KL Rahul, tennis player, French Open Mixed Doubles champion lai Rohan Bopanna leh snooker player Pankaj Advani te a khum a ni.

Chhetri chuan, "Ka career ṭantirah kha chuan journalist ho hi ka ngaina ngai lo a, mah se thil ka hriat tam hnuah erawh an ṭangkai zia hriain ṭhian ṭhaah ka siam a ni. Vawiina ka chawimawina dawn hi BFC tana ka khelhpui ka ṭhiante tan ka hlan e," tiin a sawi.

He hunah hian India cricket legend leh coach hlui Anil Kumble chu 'Coach of the Year' chawimawina pek a ni a, India tana test wicket la hnem ber bowler kaihhruaina hnuaiah hian India chuan July 2016–March 2017 inkar khan Test series pangaah a zawnin hnehna an chang a ni.

India hockey captain hlui MP Ganesh chu ‘Lifetime Achievement Award’ pek an ni a, Bengaluru FC chu ‘Team of the Year’ athlan an ni bawk. Bengaluru hian zaninah ISL match an khel dawn a, zan dar 8:00-ah Jamshedpur FC an mikhual dawn.